ស្រុកកំពង់សីលា៖ អាជ្ញាធរខេត្តព្រះសីហនុ រួមទាំងមន្ត្រីសមត្ថកិច្ចពាក់ព័ន្ធនៅព្រឹកថ្ងៃទី៣០ ខែកក្ដដា ឆ្នាំ២០២៣ នេះ កំពុងឈរការពារសុវត្ថិភាពពលរដ្ឋដែលធ្វើដំណើរតាមបណ្តោយផ្លូវជាតិលេខ៤ និងបានបិតផ្តាច់ចរាចរណ៍ឆ្លងកាត់ទាំងស្រុង។

សមត្ថកិច្ចបានបញ្ជាក់ថា ការបិតចរាចរណ៍ទាំងស្រុងនេះមាន២គោលដៅលើកំណាត់ផ្លូវជាតិលេខ៤ ចំណុចទី១ (ស្ពានគគី គីឡូម៉ែត្រលេខ១០៦-១០៧) និង ចំណុចទី២ (ស្ពានស្ទឹងសំរោង គីឡូម៉ែត្រ ១១៦-១១៧) ស្ថិតនៅស្រុកកំពង់សីលា ខេត្តព្រះសីហនុ ព្រំប្រទល់គ្នា និងខេត្តកំពង់ស្ពឺ (ពេជ្រនិល)។

ជាមួយគ្នានេះអាជ្ញាធរក៏បាន ផ្តល់ព័ត៌មានទៅដល់បងប្អូនប្រជាពលរដ្ឋផងដែរថា ប្រសិនបើរពុំមានការចាំបាច់សូមកុំធ្វើដំណើរតាមផ្លូវជាតិលេខ៤ មកដល់ចំណុចនេះកំពុងបិតចរាចរណ៍ហើយ ហើយបងប្អូនប្រជាពលរដ្ឋអាចរកផ្លូវវៀងបាន អាចថាធ្វើដំណើរតាមផ្លូវល្បឿនលឿនបណ្តោះអាសន្នសិនក៏បាន។

យ៉ាងណាមិញអាជ្ញាធរ នូវតែបន្តអំពាវនាវសូមមាតាបិតាគ្រប់រូបមើលថែការពារសុវត្ថិភាពកូនៗឲ្យបានល្អ ជៀសវៀងមានគ្រោះថ្នាក់ដោយដៃដន្យ ឬមានសត្វអស្សេពិសខាំដែលអាចបង្កគ្រោះថ្នាក់ដល់អាយុជីវិត៕